ورفلة والقدادفة ..قفوا الضوء أحمر

[ايملي]

اولا ماتخليش بابا في الموضوع
وبعدين خلطو ولادكم كل مايجوش في قيمة ورفلي
وبعدين كلو هيكا غير من الحرة طول عمرهم مايجو شي ابجنب اولادنا
ههههههههههههههههههه

[بنت ورفلة]

Zwareno

مشكور علي الأسلوب الراقي وياريتها تفهم الرجبانية لأنها قالت كلام هي مش قده ..هي من بدات والباذي أظلم وودايرة روحها كاتبة موضوع ياشينك موضوع زو ...... أكرمكم الله وحط روحك ياخوي مكانا وسمعت كلام علي آهل زوارة الشرفاء .. شني يكون موقفك ؟؟؟
سئلتيني ياايملي علي دور الرجبان في الثورة .. أقولها لكي بكل صدق والله والله والله العظيم ثلات مرات أحاسب علي هذا القسم يوم الدين مام الله العزيز القدير أنني أعرف صديقة رجبانية من عائلة ( صليل ) وأكيد تعرفيهم لأنكم أقل من حارة وتعرفوا بعضكم . المهم أخبرتني أن أشقائها وأبناء عمومتها القادمين من الرجبان قاموا بالسطو والسرقة علي سيارات في طرابلس .. يعني خنبة عيني عينك .. وتقولك ثوار الرجبان ...
حسني أسلوبك يا وخيتي

[رجبانية حرة]

تو اني بنوض تعرفوا غيرت جو المهم خودو الامور بروح رياضية زي اني وفكونا من تفتريش حمزة التهامي
صدقوني اني ماكنتش نبي الامور توصل لهكي والدنيا فيها حياة وموت واني اسفة كان جرحت وحدة منكم واني بالنسبة ليا مسامحتكم في الالفاظ اللي قلتوها وسلام
لكن حقا قولولي شنو دور الرجبان يا وبنت ورفلة ههههههه سلامات بالهلبة

[ايملي]

اكيد خنبة السيارات
هههههههههههههههههههههههههههههههههه

[بنت ورفلة]

أسمعي يارجبانية مدام أنت مش قد الكلام أعلاش تحلي في فمك وتتكلمي علي ورفلة ..
وبعدين تعالي أعلاش شادين حكاية حمزة التهامي أمدايرنها زي العزارة .. حمزة لعلمك إبن أخته من الثوار وأستشهد في أرض ورفلة الطاهرة المثل يقول كل بلاد وعزاها
كان ورفلة طلع منها المهبول حمزة .. مصراتة الصمود طلعت منها هالة المصراتي والزنتان طلع منها أحمد الشاطر وبنغازي طلع منها شاكير السحار وقادربوه ... ألخ والا غير ورفلة لحمها حلووووو
أنا والله الرجبان ماعمري لاحبيتهم ولاكرهتهم ولكن والله كرهتيني فيهم بأسلوبك البايخ ..
أما عن دور الرجبان تي ماهو قلتلك من الأول خنبة السيارات خلو طرابلس سحيقة ..
منورة أيملي بنت سيدي البرنجية .. وأنا قاعدتلها هنا .. وكان حلت فمها مرة تانية علي التريس ورفلة قوليللي بس ..

[بنت ورفلة]

ياوخيتي يا أيملي أمدايرة روحها طيبة تتأسف ..
كلت علي رأسها من ورفلة ههههههههههههههه :d

[بنت ورفلة]

مانبيلك سلااااااااام

[بنت ورفلة]

يارجبانية بالله عليكي بطلي فتنة وأنت زي بوشفشوفة ماتبطليش دق المسامير .. أعلاش جايبة سيرة مصراتة والزنتان وورفلة .. تي أنت أصلا شني دخلك بينا .. وأسئلي نفسك أعلاش الزنتان مامشوش لبني وليد في التحرير .. قالوا ورفلة خوت الجد يعني قبيلة وحدة من الأخير .. ومصراتة قالوا ورفلة جيراننا .. ونبقوا جيران ونسابات .. وبعدين تتكلمي يافتانة علي بنغازي وتقولي الرتل اللي ماشيلهم أغلبه ورفلة.. منك نسمع .. نسيت ياغزالة أن أغلب سكان بنغازي هما ورفلة .. أنا بروحي والله عندي سبعة من أولاد عمومة أبي رحمه الله في بنغازي وكل أولادهم مع الثوار .. يعني أفهمي .. وبطلي دس السم بين الخوت .. وكان عندك حقد علي ورفلة لأن عندك رجبان أستشهدوا في ورفلة .. المفروض تفرحي مش طايحة فيها صلي في ورفلة .. أنا ولد عمي ورفلي أستشهد في بني الوليد علي يد واحد من المشاشية من الكتائب أبوشفشوفة .. وبالرغم من هذا لا نحقد علي هذا ولا هذا .. تعرفي أعلاش لأن الورفلة ناس متعلمة وراقية مش زي ماقلت جهال يا جا .... وبعدين كان واجعينك ناسك اللي أستشهدوا غادي بالله عليك واحد ماشي للحرب شني بتتوقعي بيتلقوه بالدوبلة .. وكان فقدت ناس حتي أحنا شوق مافقدنا .. أن شاء الله يتقبلهم جميعا برحمته ...
وحكاية أول شهيد في الغرب هو رجباني .. ناقص غير تقولي البوعزيزي حتي هو رجباني !!!؟؟؟
بالله ياوخيتي بطلي فتنة ودق المسامير ..راااااااك كثرت علي ماوصوك ..
وماتزعليش ولايرقالك الضغط لأنكي البادية وتهجمت علي ورفلة بكلام نابي وألفاظ جهال ولادين ولا ...... وهي قبيلة عريقة في التاريخ الليبي .. ككل القبائل الليبية .. وبالنسبة لكلامك الحوش حوش بونا لأيملي بنت سيدي .. ياغزالة شكل التاريخ عمره ماخطم عليك ... وماتعرفيش إن قبائل ورفلة ترجع أصولها للجبل ونجيبلك الدليل .. إسم سوف الجين وهو إسم وادي في ورفلة هو إسم جبالي وإسم منطقة تينناي في جنوب ورفلة أيظا أمازيغي ويعني التين البعيد وإسم التللاسة إلخ .. أسئلي نفسك لماذا ورفلة يطلقون أسماء جبالية علي مناطقهم ... فلما يبداء حوش بوك بعدين قوليها لأيملي ..
وفي الأخير بنقولك الفتنة شر لعن الله من أيقضها .. فلاتفتني بي الخوت ..
وخوذي هالشعر مني
ورفلة هاذي ورفلة.. وورفلة ماهي مجهولة
واللي مايعرف ورفلة .. ينشد والغير يقولوله
ينشد حتي العالم كله .. شرق وغرب وعرض وطوله
واللي قال كلام فيه عله .. في الميعاد أحنا نصبوله
زعمك عقله شني قايله .. والا هما شن داروله

[السباعي]

ما شاء الله ع النقاش الحر والحضاري

الرجبانية تسرعت وسامحت وطلبت السماح
متقوليليش خيرك يا بنت ورفلة ؟

الرجبان اللي تقولي عليهم حارة
وقفوا من اول يوم مع الثورة ومش معنى هذا انهم ما غلطوا
لان ما فيه حد ما يغلط وكل يد تمسح ع وجهها

اني ما شاركت في تحرير بني وليد تعرفي ليش ؟

لان لو بنمشي مش رح ندير طيب لو قدرت

في جرت اللي ريناه من بعض ابناء قبيلة ورفلة في الزاوية
يعفسوا في الحياش والتلقيح ع اولاد وابنات العايلات في الزاوية

وصدقيني اني ما نكره ورفلة لانهم زينا زيهم في ظلم الطاغية لينا

بس والله فيه سؤال ليش الطاغية ما اختار الا ورفلة ( بني وليد ) بعد سرت
كآخر ملاذ ليه ولاولاده ؟

في انتظار اجابتك اختي الكريمة

خوك السباعي

[ماجر]

اولا الاخت الرجبانية موش غالطة ولكن ممكن تقول رايها من غير الفاض لاكن والحق يقال ان ورفلة فيهم كتير من اتباع القدافي والدليل انها لم تتحرر من نفسها بل حررها التوار وهدا ان دل على شي فانما يدل على مساندة نسبة محترمة من السكان لمعمر وهم الفقهية او اتباع ميلاد الفقهي دلك المجرم الدي داس على كرامة ورفلة بعدم احترامه لشهداء ورفلة الدين سقطو من اجل ليبيا في 1996 اتناء محاولة التخلص من القدافي التي فشلت بفعل وشاية من العجيلات وبالنسبة لورفلة فانهم يبدو منقسمين ولكن لا يجب ان ننسى ان فيهم شرفاء من امتال الدكتور جبريل والاخ محمود واخرين ممن يغيرون على الوطن واخيرا لا يجب ان نرحم من وقف ضد التورة ابدا سواء ورفلي اوغيره فهدا شي لا يغتفر وخيانة لدماء الشهداء وشكرا